KCD: Hemû hêzên ji Komkujiya Parîsê berpirsyar dê hesabê bidin

KCD’ê bi boneya 7’emîn salvegera şehadeta Sakîna Cansiz, Fîdan Dogan û Leyla Şaylemez daxuyaniyek weşand û her sê jinên şoreşger bi rêzdarî bi bîr anî. KCD’ê diyar kir ku nepêkane ku Komkujiya Parîsê bêyî agahiya hêzên navdewletî pêk hatibe û destnîşan kir ku di wê baweriyê de ne ku di serî de dewleta tirk, hemû hêzên ku berpirsyariya wan di vê qetlîamê de heye dê li pêş dîrok û mirovahiyê bên mehkumkirin û hesab bidin

Kongreya Civaka Demokratîk (KCD) bi wesîleya salvegera qetilkirina 3 jinên kurd ên siyasetmedar Sakîne Cansiz, Fîdan Dogan û Leyla Şaylemez daxuyaniyek nivîskî weşand.

Daxuyaniya KCD’ê wiha ye:

“Şerê ku metîngeriya kapîtalîst-emperyalist li Rojhilata Navîn û li dijî gelê wî/wê pêşxistiyê, bi qetlîamên mezin ên li dijî civak û xwezayê, bi koçberkirin û wêrankirinên ku paşve nayê vegerandin re her ku diçe bêhtir kûr dibe û didome.

Li dijî polîtîkayên wêrankirin û sepandinên pergala kapîtalîst-emperyalîst, Tevgera Azadiya Kurdan ji bo tevahî gelên Rojhilata Navîn bi hêviya azadî, wekhevî, edalet û demokrasiyê vejiyaye û bûye hêza rê nîşandanê û ronîkirinê.

Tevgera Azadiya Kurd ku ji bo tevahî gelên Rojhilata Navîn bûye meşaleya azadiyê, di serî de bûye hedefa hêzên emperyal ên navneteweyî û neteweyî û hêzên metînger ên herêmî. Bi hevkariya hêzên navneteweyî û hêzên emperyalîst ên metînger ên herêmî hatiye xwestin ku Tevgara Azadiyê ya Kurd bi operasyon û komployan bê tasfiyekirin.

Bêyî destûra hêzên navneteweyî Komkujiya Parîsê nepêkan e

Wekî berdewama komploya 9’ê Cotmehê ya li dijî Rêberê Gelê Kurd birêz Abdullah Ocalan pêk hat, di 9’ê çileya 2013’an de jî komplo û Komkujiya Parîsê pêk hat. Pêşenga Tevgera Azadiya Kurdistanê û şoreşgera jin Sakîne Cansiz (Sara) û du rêhevalên xwe Fîdan Dogan (Rojbîn) û Leyla Şaylemez (Ronahî) di 9’ê çileya 2013’an de ji hêla dewleta tirk ve li paytexta Fransayê Parîsê hatin qetilkirin. Aşkera ye ku bêyî agahî û destûra hêzên navneteweyî qetilkirina 3 jinên kurd ên li Parîsê ne gengaz e.

Armanca Komkujiya Parîsê gelek fireh e

Armanca Komkuiya Parîsê gelek fireh e. Ji ber ku Sakîne Cansiz sazûmankara Tevgera Azadiya Kurdistanê ye û di hemû merhelêyên azadiya jinên Kurdistanê de xwedî û rol û riste û dîsa ji ber Cansiz li dijî pergala baviksalariyê bi hêviya azadiya civakê bi avakirina pergala hemdem a demokrasî û azadiyê pêkane pêşxistiye, bûye hedefa hêzên navneteweyî ya ku tetikkêşiya wê dewleta tirk kiriye.

Ji bo ser doza Komkujiya Parîsê bê girtin dereng tê destgirtin û bi vî awayî ji hêla hêzên navneteweyî tê xwestin ku cînayeteke hiqûqî bê kirin. Divê civaka navneteweyî bêdeng nemîne û rê nede ku berpirs û kujerên Komkujiya Parîsê bên xilaskirin û hesab nedin.

Em di wê baweriyê de ne di serî de dewleta tirk, hemû hêzên ku berpirsyariya wan di vê qetlîamê de heye dê li pêş dîrok û mirovahiyê bên mehkumkirin û hesab bidin. Dîsa Cansiz û peyhatiyên wê Sevê Demîr, Pakîze Nayîr û Fatma Uyar bi heman armancê di 4’ê çileya 2016’an de li Silopiyayê hatibûn qetilkirin.

Em careke din di salvegera şehadeta Sakîne, Fîdan, Leyla, Sevê, Pakîze û Fatma de wan bi rêzdarî bi bîr tînin û bi hêza têkoşîn, berxwedan û pêşengiya ku me ji şexsiyeta wan girtiye em ê têkoşîna xwe ya azadiyê teqez bi serkeftinê tacîdar bikin.” AMED

Dikarî Biecibînî