Pergala neyar kurd e û borazanê aye

Pergala serdest a dagirker e melayanê xo ra bigî heta fûtbolkaran, rocnamevananê xo ra bigî heta hiqûqnasan temam kerdê borazanê dagirkerî û şerê xo yê lîminî. Yeno zanayîşî ke gurîyê Melayan bi qaso ke mijaranê dînî civake rê bidê zanayîşî endeyke zî muhîmîya aştî, hetkarî û têduştîye mîyanberê merdimahî ke îslamîyet de cayêke muhîm gênê zî bi civake danê zanayîşî. Hetê ma de wexta şerêke mîyanberê di hetan de virazêno melayî konê mîyanê înan û înan ro werê anê la, çi heyf ke zêdetir zî nê çar serrê peyînan de qaşo Melayê înan ke emranê Homayî zêdehîrî pêgiroteyê pergala serdeste yê hemverê ayete 32. ya sûraya Maîde ke vana; ‘kam merdimêke bikşo sey heme merdiman bikşo’ fetwayan serdestan rê vecenê qetlê însanan û wêrankerdişê warê şarê ma bi rehetî danê. Wezîfeyê rocnamevanan civake bi agahiyanê bêhet û rasterastan bidê hesnayîşî û mîkrofon û pênûse xo xurtkerdişê aştî û têduştîya mîyanberê şaran de bixebetnê la rocnamevanê înan herinda pênûse şimşêr û torzîn xebetnenê û neyartîya ro şarê Kurdî civake rê empoze kenê.

Fûtbolkarî bi fealiyetanê xo heme awayî zordestî, detayî û neheqîyan ra xo dûrî danê la fûtbolkarê înan bi zihnîyetê şerr, zordestî û tedayî silamê eskerî danê. Hiqûqnasî mafê ciwîyînî yê heme giyandaran serê heme çiyan ra gênê, edalet, têduştî û aştîya mîyanbera merdimahî esas gênê la qaşo hiqûqnasê înan kiştişê însanan meşrû vînenê û bi vatişanê xo yê qatilwarî heme qatil û dîktatoran pey ra verdenê. Wezîrê înan ê karê zerî zî persa ‘Beno ke DAÎŞî ra êrîşî bêrê?’ sey ke vaco şima çiqas cahil ê la qey şima nêzanê ke daîş binê emrê ma de yo û bi qewet û destekê ma estbîyayîşê xo verdewam keno’ heweno û vano; ‘meraq mekerê çîke newîn nêbeno’. Hewayîşê ey di ca de yo. Merdim çi ray nan û awe xo xo ser de birrneno? Heme dinya zana ke pergala ey a dagirkere pêge înan hemverê Kurdan bixebteno hem hetê sîlehan de hem hetê elemanan de paştî dayo DAIŞ’î.

Neyratîya înan a Kurdanê rê bi qasê tarîxe dagirkerdişê înan ê welatê Kurdan kana û nîyetê înan no yo ke heta qîyame na neyartîya xo bidomnê. Na neyartîya înan înkarkerdişê ayetanê ke Homayî merdimahî rê şirawitê bi xo yo ke sûreya Hûcûratî ayeta 49/13. de wîna vano; ‘Ma semedo ke şima jobînan nas bikerê sey qewm û qebîleyan ciya kerdî’ Ne tenê Başûr, Bakûr, Rochelat û Rocawan de pergala dewletaTirkîye nêwazena şarê Kurdî çi cayêke rî dinya de ca bigîro û bibo wayîrê azadî, têduştî û bibo wayîrê ziwanê xo ke ayetêke Quranê Kerîmî ya ‘viraştişê ey ê erd û ezmanî, cîyabîyayîşê reng û ziwanê şima ayetanê estbîyayîşê ey î ra yê. Bi raştî eynan de semedê înan ê ke zanê dersî estê’ (Rûm. 30/22) Homay merdimahî rê arda war. Na pergala dagirkera neyar Kurd e civaka xo wina arda xeta faşîzm û nîjadperestîyêke eke şarê aye bi qaso ke serreyê extîyarêke Kurdî (Ekrem Yaşli) tenê semedo ke Kurdî qisey kerdo bişikno. Na pergala dagirker a tekparêze ke xo ro bawermendî dayo ro ayetanê sûreya Maîde ayeta 32. sûreya Rûmî ayeta 22. û sûreya Hûcûratî ayeta 49/13. bi xo înkar kena û rîyê xo yê raştînî mojnena ra.

Dikarî Biecibînî