Ma do cewab bidî polîtîkayanê şerî

Tirkîya de ciwanî problemê girîng cuyenî û sere de zî kalîteyê perwerde, qedexeyê perwerde bi ziwanê maye, deformasyonê kultur, betalî, fuhuş û tîryakî yenî. Sîstemê kapîtalîzmî ciwanan xo rê sey pêlêke vîneno û bi metodê şerê taybet bê îrade, bê cigêrayîş, bê embazî û apolîtîk aver berê. Endama Meclîsê Ciwan yê Partîya Demokratîke ya Şaran (HDP) Neşe Toprake derheqê polîtîkayê şerî yê vera ciwanan de qisey kerde û daye zanayîş ke ganî bi hawayo rêxistinkerde têkoşîn bêro dayîş û veng daye heme kesan ke binê sîwana ciwanê HDPyî de bêrî têhet.

Toprake qiseykerdişê xo de va ‘wextê peyînan de hedîseyê şîdet, tacîz û tecawizî yê vera cinî û domanan zêde bîyî’ û va: “3-4 serrî yo ke prosesêko zehmetin yeno cuyayîş. Hêrişê zayendî û tecawizî zaf zêde yenê cuyayîş. AKP zaf qanûnê ke tacîz û tecawiz normal keno vet. Ganî ma pîya vajê ‘bes o’ û têkoşîn bikerê. Ganî seba ameyoxê ciwanê kurdan cinîyî bivejîyî raşteyan. Ciwanî bi têkoşînê rêxistinkerde eşkenê sîstem bibedilnî. Ganî vera asîmîlasyonî de têkoşîn bêro dayîş.” Amed

Dikarî Biecibînî