Li Kalkandereyî jî girtî ketine grevê

RÎZE

Li Girtîgeha Tîpa L ya Kalkandere ya Rîzeyê 8 girtiyan dest bi çalakiya greva birçîbûnê ya bêdem û bêdorveger kir. Girtiyan ragihand ku daxwaza Leyla Guven daxwaza wan e

Çalakiya greva birçîbûnê ya ku beriya du mehan bi pêşengiya parlamenter û hevseroka KCD’ê Leyla Guven hat destpêkirin, her ku diçe belavtir dibe. Li gelek girtîgehan girtiyên nû beşdarî çalakiya greva birçîbûnê ya bêdem û bêdorveger dibin. Di vê çarçoveyê de li Girtîgeha Tîpa L ya Kalkandereyê ya Rîzeyê 8 girtiyan dest bi çalakiya greva birçîbûnê ya bêdem û bêdorveger kir.

Girtiyên ketine grevê bi rêya telefonê bi xizmên xwe re hevdîtin pêk anîn û ragihandin ku di 5’ê çileyê de ji bo rakirina tecrîda girankirî ya li ser Rêberê Gelê Kurd Abdullah Ocalan ketine çalakiya greva birçîbûnê ya bêdem û bêdorveger. Malbatan ragihand ku zarokên wan diyar kirine ku daxwaza Leyla Guven daxwaza wan e û heta daxwaza wan bi cih bê dê çalakiya xwe bidomînin.

Li gorî agahiyên ku ji malbatên girtiyan hatin wergirtin, girtiyên ketine grevê navê wan wiha ne; Mûrat Şîmşek, Erdem Aktû, Ozgur Eksîk, Şiyar Kara, Mûstafa Turkan, Veysel Guler, Orhan Şakar û Huseyîn Yildiz.

Hêjayî bibîrxistinê ye ku di 5’ê çileyê de li gelek girtîgehan bi daxwaza rakirina tecrîda li ser Ocalan 300 girtî tev li çalakiya greva birçîbûnê ya bêdem û bêdorveger bûbûn. RÎZE

Dikarî Biecibînî