Di doza Ozgur Gundemê de kes nehat berdan

Danişîna doza rojnameya Ozgur Gundemê hat dîtin. Xwediyê Îmtiyazê yê Rojnameyê Kemal Sancili ku girtî dihat darizandin nehat berdan

11’emîn danişîna doza Gerînendeyên Giştî yên Rojnameya Ozgur Gundemê ya bi KHK’ê hat girtin ku Asli Erdogan û Necmiye Alpay jî di navde 9 rojnameger tên darizandin, li 23’emîn Dadgeha Cezayên Giran a Stenbolê hat dîtin.

Di dozê de tenê Xwediyê Îmtiyazê yê rojnameyê Kamal Sancili girtî tê darizandin. Sancili, bi SEGBÎS’ê ji Girtîgaha Tîpa F a Edîrneyê û Midûrê Karê Nivîsê Înan Kizilkaya beşdarî danişînê bûn.

Piştî danasîna nasnameyê Kemal Sancili, parastin kir û wiha got: “Qeydên têkildarî materyalên dîjîtal ne gihîştin min. Ji ber vê ji bo amadekirina parastinê ez dem dixwazim. Ez dixwazim rewşa girtina min bê nirxandin û tehliyeya xwe dixwazim.” Parêzerê Sancili Ozcan Kiliç jî xwest muwekîlê wî bê berdan.

Dozger dar barê danişînê de mutala da û xwest girtina Sancili berdewam bike.  Şandeya dadgehê daxwaza berdana Sancili red kir û danişîn taloqî 10’ê nîsanê kir. STENBOL

Dikarî Biecibînî