Li Îzmîr û Edeneyê gelek kes hatin binçavkirin

Li Îzmîrê, di serdegirtina malan de, dayika aştiyê Behiye Yalçin jî di nav de 8 kes hatin binçavkirin. Li Edeneyê jî, 7 kes hatin binçavkirin

Polîsan di saetên serê sibê de li Îzmîrê bi ser gelek malan de girt û gelek kes binçav kirin. Ji ber biryara nepeniyê hinceta operasyon û binçavkirina rêveberên û endamên HDP’ê nehat zanîn.

Navê kesên hatin binçavkirin wiha ne: Cemîle Aydîn, Mehmet Demir, Fatma Yetîm, Hayat Îzgî, Dunyamalî Arînç, Sabrî Adîbelî, Zarîfe Karasûngûr û Dayika Aştiyê Behiye Yalçin.

Operasyonên hemwext

Di çarçoveya lêpirsîna Serdozgeriya Komarê ya Edeneyê de der barê 8 kesan de bi îdiaya “Propagandeya rêxistinê kirin” biryara binçavkirinê hat dayîn. Polîsan di çarçoveya operasyonê de li Edene, Stenbol û Dêrsimê hemwext bi ser 8 adresan de girt. Di lêgerînên hatin kirin de, polîsan dest danîn ser amûrên dîjîtal û hin pirtûkan. Di encama operasyonê de 4 jê jin 7 kes hatin binçavkirin.  Kesên hatin binçavkirin birin Midûriyeta Polîsan a Edeneyê. ÎZMÎR / EDENE

Dikarî Biecibînî