Çalakiyên li dijî çeteyan didomin

Hêzên Rizgariya Efrînê bi daxuyaniyekê ragihand ku şervanên wan li Mareyê li dijî çeteyan çalakiyek pêk anîne

Çalakiyên Hêzên Rizgariya Efrînê (HRE) ên li dijî çeteyên girêdayî dewleta tirk ên li Efrînê didomin.

HRE’ê bi daxuyaniyeke nivîskî ragihand ku hêzên wan li bajarokê Mareyê li dijî wesayîta çeteyan çalakiyek li dar xist û ev agahî parve kir: “Şervanên me çalakiyên xwe yên li herêma Efrînê û derdora wê li dijî artêşa tirk a dagirker û çeteyên girêdayî wê li dar dixin, didomînin. Di vê çarçoveyê de; roja 20‘ê çileyê şervanên me , li derdora Mareyê ya dikeve bakurê Helebê tirêkseke çeteyan a ku tunel û xendek çêdikirin, hedef girtin. Di encama çalakiyê de tirêksa çeteyan hate rûxandin û li gel ku windahiyên çeteyan çêbûne jî, derheqê hejmara wan de agahiyên zelal bi dest neketine.” EFRÎN

Dikarî Biecibînî