60 çeteyan xwe radestî HSD‘ê kir

Navenda Nûçeyan

Li rojhilatê bajaroka Hecînê 60 çeteyên DAIŞ‘ê ku piraniya wan biyanî ne xwe radestî HSD‘ê kirin

Qonaxa dawî ya Pêngava Bagera Cizîrê ya bi navê Şerê Tunekirina Terorê didome. Şervanên Hêzên Sûriyeya Demokratîk (HSD) roj bi roj pêşve diçin û sivîlan ji destên çeteyan xilas dikin.

Li gorî nûçeya ANHA’yê fermandarên HSD‘ê ragihandin ku li rojhilatê bajaroka Hecînê 60 çeteyên DAIŞ‘ê ku piraniya wan biyanî ne xwe radestî Hêzên Sûriyeya Demokratîk (HSD) kirin. Çeteyên xwe radest kirine fransî, brîtanî, hindistanî û pakistanî ne.

Fermandaran destnîşan kir ku çeteyan piştî derbeyên giran ji hêzên wan xwarine teslîm bûne û diyar kirin ku bi hezaran sivîl ku çeteyan ew wekî mertalên zindî bi kar dianîn, hatine rizgarkirin.

Dikarî Biecibînî