Ji bo girtî dev ji grevê berdin zext li malbatan tê kirin

Hat zanîn ku rayedarên Girtîgeha Tîpa H ya Bursayê li malbatên girtiyên di greva birçîbûnê de zextan dike û dixwaze girtî dest ji çalakiyê berdin

Bi daxwaza bidawîkirina tecrîda li ser Rêberê Gelê Kurd Abdullah Ocalan li girtîgehên Kurdistan û Tirkiyeyê girtî kom bi kom beşdarî çalakiya grevên birçîbûnê ya bêdem û bêdorveger dibin. Yek ji van girtîgehên greva birçîbûnê lê hat destpêkirin jî Girtîgeha Tîpa H ya Bursayê ye.

Girtiyên bi navê Serhat Sezgîn, Salîh Koyun, Mehmet Kilinç, Mehmet Yalçinkaya, Mehmet Şîrîn Baycu, Suleyman Saydan û Ercan Gokçe ji 26’ê kanûna 2018’an de dest pê kirin. Di 16’ê çile de jî girtiyên bi navê Mîthat Tunç, Metîn Çakir, Sînan Gokçe û Nurullah Yilmaz beşdarî çalakiyê bûn.

Li gorî agahiyên ji parêzerên girtiyan hatin wergirtin, koma ewil a dest bi çalakiyê kiriye gelek qels bûne û da zanîn ku ji bilî girtiyên nexweş ên neçar in ku biçin revîrê girtiyên din dernaxin revîrê.

Her wiha parêzeran ragihand ku rayedarên girtîgehê zextan li malbatên ku diçin hevdîtinê dikin û ji malbatan dixwazin girtî dev ji grevê berdin. BURSA

Dikarî Biecibînî