Li beşa nexweşiyên jinan tenê bijîşkek heye

Parlamentera HDP’ê ya Mêrdînê Ebrû Gunay, pirsname da meclisê û diyar kir ku ji hezîranê heta niha li Polîklinîka Zayîn û Nexweşiyên Jinan a Nexweşxaneya Dewletê ya Nisêbînê tenê bijîşkek heye

Parlamentera HDP’e ya Mêrdînê Ebru Gunay, têkildarî rewşa nexweşxaneya Dewletê ya Nisêbînê û nebesiya bijîşkan pirsname da meclisê.

Gunay, diyar kir ku ji Hezîranê heta niha li Polîklinîka Zayîn û Nexweşiyên Jinan a Nexweşxaneya Dewletê ya Nisêbînê tenê bijîşkek heye û wiha got: “Ji ber tenê bijîşkek heye û hêjmara nexweşan zêde ye, kesên nexweş dikevin neçar dimînin biçin bajarên din.” Gunay, sedema vê yekê ji meclîsê pirsî û xwest Wezîrê Tenduristiyê Fahrettin Koca pirsên wê bibersivîne û ev pirs pirsîn:

-Ji hezîranê heta niha li Polîklinîka Zayîn û Nexweşiyên Jinan a Nexweşxaneya Dewletê ya Nisêbînê tenê bijîşkek heye. Agahiya we ji vê yekê heye ya na?

-Ev polîklînîka herî zêde nexweşên wê pir in, ji ber kîjan sedemê bijîşk nayên peywirdarkirin?

-Ji ber li vê beşê tenê bijîşkek heye nexweş neçar dimnin biçin Mêrdîn an jî nexweşxaneyên din. Bi vê yekê mafê mirovan ên tenduristiyê nayê binpekirin?

-Ji bo ev mexdûriyeta mirovan bi dawî bibe projeyên we çi ne?

-Ji ber li vê polîklînîka nexweş zêde bijîşkek bi tenê çiqas dikare têr bike an jî çiqas dikare baş muayene bike û xizmeta tenduristiyê bide?

-Ji xeynî Mêrdînê li hemû bajarên Tirkiyeyê nexweşxaneyên lêkolîn û perwerdehiyê hene. Ji ber vê yekê divê di bin banê Zanîngeha Artûklû ya Mêrdînê de nexweşxaneyek lêkolîn û perwerdehiyê bê avakirin. Di vê mijarê de xebatên wezareta we çine? MÊRDÎN

Dikarî Biecibînî