150 çeteyên DAIŞ’ê xwe radestî HSD’ê kir

150 çeteyên DAIŞ’ê yên biyanî li eniya El Sûsa û gundên Meraşidê xwe radestî şervanên HSD’ê kir. Her wiha şervanan zêdetirî 500 sivîl jî rizgar kirin

Qonaxa Şerê Tunekirina Terorê ya ku şervanên Hêzên Sûriyeya Demokratîk (HSD) ji bo rizgarkirina bajaroka Hecînê û gundewarên wê daye destpêkirin, ber bi dawiyê ve diçe. Şervanên HSD’ê di encama pevçûnên dawî de derbên giran li çeteyên DAIŞ’ê xistin. Çeteyên ku li hemberî şervanan derbên giran dixwin, xwe radestî şervanan dikin. Her wiha gelek sivîl jî ji hêla şervanan ve hatin rizgarkirin.

Li gorî agahiyên ji çavkaniyên leşkerî, şervanên HSD’ê derbên giran li çeteyên DAIŞ’ê dan. Çavkaniyên leşkerî diyar kir ku li eniya El Sûsa û gundên Meraşidê 150 çeteyên DAIŞ’ê ku piraniya wan biyanî ne, xwe radestî şervanên HSD’ê kirin.

50 sivîl hatin rizgarkirin

Di heman demê de şervanên HSD’ê 500 sivîlên din ên ku ji hêla çeteyên DAIŞ’ê ve weke mertalên zindî dihatin bikaranîn, rizgar kirin. Şervanan di heman demê de gelek mayinên li herêmên Baxoz û gundê Murşîdê yên ji hêla çeteyan ve hatine çandin jî bêbandor kirin. Her wiha hejmareke malbatên çeteyên DAIŞ’ê yên biyanî, xwe radestî şervanan kir. DÊRAZOR

Dikarî Biecibînî