HDP’ê li Wanê namzetên xwe da naskirin

HDP’ê ji bo nasandina namzetên xwe yên hevşaredariyê yên Wan û navçeyên wê bernameyek li dar xist

Li Wanê HDP’ê ji bo nasandina namzetê xwe yê hevşaredariyê yê şaredariya bajarê mezin a Wanê bernameyek li dar xist.  Namzetê hevşaredariyê yê Wanê Mustafa Avci, namzetên hevşaredariyê yên Çardêran û Bêgiriyê jî tev li bernameyê bûn.

Namzetê hevşaredariyê bajarê mezin a Wanê Mûstafa Avci di bernameyê de ya li Bêgiriyê axivî û wiha got: “Gel li hemberî gefên AKP’ê va ye li ser piyan e. Gelê me aştî, azadî û demokrasiyê dixwaze. Îradeya gelê kurd hatiye xespkirin di 31’ê adarê de em ê vê xespê bi dawî bikin.”

HDP’ê piştî Bêgiriyê li Çardêranê jî namzetên hevşaredariyê da naskirin. Namzetên hevşaredariyê yên Çardêranê Leyla Atsak û Farûk Demîr jî tev li bernameyê bûn. Hevserokê navçeyê yê HDP’ê Alî Îhsan Taş di bernameyê de gel silav kir û diyar kir ku ew ê di hilbijartina herêmî de bi ser bikevin.

Namzetê hevşaredariya Çardêranê Faruk Demîr jî diyar kir ku hilbijartina di 31’ê adarê de gelekî girîng e û dê şaredariya ku hatiye xespkirin, têxin bin xizmeta gel. WAN