Çalakgerê Strasbourgê Solhan rakirin nexweşxaneyê

Rewşa tenduristiya çalakgerê Strasbourgê Kerem Solhan giran bû û ji ber Solhan dermankirinê qebûl nake rakirin nexweşxaneyê

Çalakiya greva birçîbûnê ya bêdem û bêdorveger ku li dijî tecrîdkirina Rêberê Gelê Kurd Abdullah Ocalan li bajarê Strasbourgê ya Fransayê hatiye destpêkirin, ev 44 roj in didome. Rewşa tenduristiya çalakgerên ku ketine grev her diçe giran dibe.

Li ser giranbûna rewşa tenduristiya Kerem Solhan danê nîvroyê rakirin nexweşxaneyê. Tîmên tenduristiyê yên ji bo Solhan hatin, di encama kontrolê de diyar kir ku divê rakin nexweşneyê.

Tîmên tenduristiyê li ser neçûna nexweşxaneyê ya Solhan ji bo tedawîkirinê diyar kirin ku divê tîmeke nû ya tenduristiyê bê. Li ser israra tîma tenduristiyê Solhan bi armanca teşhîskirinê rakirin nexweşxaneyê.

Di kontrolên rojên dawîn de ji ber greva birçîbûnê ya Kerem Solhan rîskên mezin derketibûn pêş.

Dr. Fehrettîn Gulşen ê çalakvanan li cihê lê ne kontrol dike, diyarkiribû ku rewşa tenduristiyê ya Solhan her roja diçe xirabtir dibe û ji ber nepejirandina dermankirinê hişyariya bûyerên rû bidin kir.

Dr. Gulşen destnîşan kir ku bi Kerem Solhan re serêşî, kêmbûna vîtamîn, bêhalî, westandin û pirsgirêkên cidî yên xewê derketine pêş. STRASBOURG 

Dikarî Biecibînî