Berxwedana Yagiz di roja 72’yemîn de didome

Berxwedana Endamê Meclisa HDP’ê ya Hewlêrê Nasir Yagiz ya li dijî tecrîdkirina Ocalan di roja 72’yemîn de berdewam dike. Her wiha çalakiya greva birçîbûnê ya Endama Meclîsa Îştar Fedîle Tok jî di roja 12’an de didome

Endamê Meclisa HDP’ê ya Hewlêrê Nasir Yagiz li Nûnertiya HDP’ê ya Hewlêrê li dijî tecrîda girankirî ya li ser Rêberê Gelê Kurd Abdullah Ocalan ji 21’ê mijdara 2018’an ve di greva birçîbûnê ya bêdem û bêdorveger de ye.

Nasir Yagizê ku 72 roj in ji bo rakirina tecrîda li ser Ocalan ketiye greva birçîbûnê, her ku diçe rewşa tendirustiya wî krîtîk dibe. Li gorî agahiyên nûnertiya HDP’ê dane roj bi roj rewşa tendirustiya wî xerabtir dibe. Yagiz aşkera dike ku heta daxwazên wan ên rakirina tecrîda li ser Rêberê Gelê Kurd Abdullah Ocalan bi dawî nebe, dê çalakiya xwe berdewam bike.

Endama Koordînasyona Meclisa Îştar Fadîle Tok jî li Wargeha Penaberan a Şehîd Rûstem Cûdî (Mexmûr) ji 20’ê çileyê ve  li dijî tecrîda li ser Rêberê Gelê Kurd Abdullah Ocalan û ji bo piştgiriya Leyla Guven û hemû çalakgeran di greva birçîbûnê ya bêdem û dorveger de ye.

Herwiha li Silêmanî, Şengal, Wargeha Penabaran a Şehîd Rûstem Cûdî (Mexmûr) li Navenda HDP’ê ya Hewlêrê û li ber avahiya Neteweyên Yekbûyî  (NY) ya Hewlêrê grevên birçîbûnê yên li dijî tecrîda li ser Rêberê Gelê Kurd Abdullah Ocalan berdewam dike. HEWLÊR

Dikarî Biecibînî