Rewşenbîrên Başûr daxuyaniyeke hevpar weşandin

Hejmareke zêde rewşenbîr, nivîskar û siyasetmedarên başûrê Kurdistanê bi daxuyaniyeke hevpar, daxwaz kirin ku dawî li dagirkeriya tirk a li ser xaka başûrê Kurdistanê were anîn û ji bo vê jî bang li hikûmeta herêmê û hêzên kurdî kirin

Nerazîbûnên li dijî hebûna artêşa tirk a li ser xaka başûrê Kurdistanê her ku diçe zêde dibin. 54 rewşenbîr, nivîskar, çalakvanên siyasî, rojnamevan û hunermendên ji başûrê Kurdistanê li ser hebûna artêşa tirk a li başûrê Kurdistanê daxuyaniyeke hevpar dan û bang li Kongreya Neteweyî ya Kurdistanê (KNK), Parlamenta Herêma Federal a Başûrê Kurdistanê, hemû hêz û rêxistinên kurdistanî, Parlamentoya Iraqê, Saziyên Neteweyên Yekbûyî, Parlamentoya Ewropayê û gelê Kurdistanê kirin.

Di daxuyaniyê de hate bibîrxistin ku gelê sivîl ê Şêladizê û derdora wê, di 26’ê çileya 2019’an de li dijî êrîşên dewleta tirk ên li ser başûrê Kurdistanê nerazîbûn nîşan da û xwest, baregehên hêzên Tirkiyeyê ji xaka Kurdistanê bên derxistin. Hate ragihandin, malbatên şehîdan û tevahiya gelê herêmê li dijî baregehên hêzên dagirker li hev kom bû, daxwazên xwe pêşkêş kir. Daxuyanî wiha berdewam kir: “Lê mixabin çekdar û MÎT a tirk gule li gel reşandin û di encamê de ciwanekî 13 salî şehîd bû, gelek xwepêşandan jî birîndar bûn. Lewma xwepêşandêran jî avêtin ser baregehê û agir berdan alavên leşkerî.”

Hikûmeta herêmê li pişt gelê xwe nesekinî

Rewşenbîr û çalakvanên siyasî diyar kirin ku ne saziyên hikûmeta herêmê ne jî desthilata PDK’ê li pişt gelê xwe nesikînin û wiha gotin: “Piştî vê bûyerê serokê hikûmeta herêmê di daxuyaniyekê de gefên tund li xwepêşandêran xwar û hincet ji êrîşên rejîma Erdogan re peyda kir. Dezgehên desthilatê yên li Duhokê yekser bi dehan çalakvan û rojnamevan li seranserê Behdînanê destgîr kirin û girtin. Saziyên ragihandinê girtin û xebatkarên çapemeniyê girtin. Niha jî gelê Behdînanê bi taybetî çalakvan ji ber helwesta dezgehên ewlehiyê û sîxurên MÎT’a tirk di bin gef û metirsiyê de ne.”

Di dewama bangawaziyê de ev daxwaz hatin kirin: “Em daxwazên xelkê deverê rewa û qanûnî dibînin. Ev daxwaz daxwazên tevahiya gelê Kurd û Kurdistanê ye. Lewma em daxwazê li we dikin:

Rejîm û dewleta Tirkiyeyê gunehbar bikin, bingeh û qereqolên leşkerî û sîxurî yên wan ji xaka Kurdistanê derxînin.

Hemû çalakvan û rojnamevanên girtî yên li Behdînanê bêne azadkirin û sînorek ji bo dezgehên emniyetê yên hikûmeta herêmê bê diyarkirin.

Derfet bên afirandin ku rojnamevan û dezgehên ragihandinê bi azadî karê xwe bikin.”

Kesayetên mohra xwe danîne bin bangawaziyê wiha ne:

  1. Bêstûn Berwarî
  2. Behzad Silêvaneyî
  3. Hindrîn Amêdî
  4. Behzad Pîrmûsa
  5. Mehdî Telet
  6. Siyamend Harîkî
  7. Bengîn Silêvaneyî
  8. Nîşan Bamernî
  9. Hacî Nasir – rojnamevan
  10. Asos Herdî – rojnamevan û nivîser
  11. Husên Bazîrkî
  12. Emîn Yûnis – nivîskar
  13. Jîn Akgul – çalakvan
  14. Seyid Ekrem Xalid – çalakvan
  15. Nadîya Gelo
  16. Mekî Amêdî
  17. Nizar Pîro
  18. Sêvê Nihêlî
  19. Îsmaîl Guherzî
  20. Qehreman Bamernî
  21. Çîya bêlîzanî
  22. Lezgîn Nêrweyî
  23. Hewar Harîkî
  24. Rizgar Ewnî Mihemed
  25. Xerîb Bamernî
  26. Kawe Tahir Zahir
  27. Kameran Gulpî – çalakvan
  28. D. Mihemed Kiyanî
  29. Bêkes Berwarî
  30. Çalak Mehmûd
  31. Ako Mihemed Sabir – nivîskar
  32. Ridwan Gulî – nvîskar
  33. Hacî Rêkanî – çalakê siyasî
  34. Celal Çwartayî – rojnamevan û nivîskar
  35. Îzit Cemal Alî
  36. Fayiz Feysel – çalakvan
  37. Hêlîn Çîya – çalakvan
  38. Abdulla Alî – çalakvan
  39. Emîr Goran – rojnamevan
  40. Ronak Ahmed – çalakvana jin
  41. Tara Husên – peyivdara tevgera azadî
  42. Mihsin Edîb – nivîser
  43. Hîwa Qadir – nûser
  44. Xazî Xalid – mamosta û perwerdekar
  45. Rezwan Faris Akreyî – çalakvan
  46. Ehmed Kerîm Arif – nûser
  47. Hêmin Baban – hunermend
  48. Seyran Tofîq – çalakvana jinan
  49. Kamran Alî – çalakvan
  50. Govend Omer – Rojnamevan
  51. Nîşan Amêdî
  52. Hîwa Nasih
  53. Kamran Simo Hedîlî
  54. Seîd Zaxoyî. SILÊMANÎ