Baroya Amedê dê giliyê sûc bike

Rêvebera Baroya Amedê Habîbe Danişman Deyar got dê têkildarî kelepçekirina parêzer Serlçuk Kozagaçli ya anîna merasîma cenazeyê bavê wî giliyê sûc bike

Baroya Amedê ji bo bîranîna serokên xwe yê berê Tahîr Elçî yê li Sûrê hat kuştin di hefteya 161’emîn de çalakî li dar xistin. Gelek parêzer beşdarî çalakiyê bûn û pankarta “Em te jî bîr nakin” hildan. Rêvebera Baroya Amedê Habîbe Danişman Deyar di çalakiyê de axivî û got parêzerên kurd û tirk di bin zextan de ne.

Deyar da zanîn ku ronînekirina cînayeta Tahîr Elçî bi pêvajoya siyasî ya 3 sal berê hat destpêkirin ve girêdayî ye. Deyar bi bîr xist ku di serî de parêzer Selahattîn Demîrtaş, Aysel Tugluk, Bekîr Kaya û Selçûk Kozagaçli di nav de gelek parêzer girtîne û pêkanîna lêpirsîn û cezakirinê ya parêzeran didome û tên darizandin. Deyar got ku gelek hiqûqnas ji ber parastinên peywîra xwe tên astengkirin.

Dê giliyê sûc bikin

Deyar destnîşan kir ku ji bo ew bêhiqûqiyê teşhîr bikin hevpîşeyên wan Selçûk Kozagaçli, Behîş Aşçi û Aytaç Unsal ji 24’ê çileyê ve di greva birçîbûnê de ne û ew anîna hevpîşeyê xwe Selçûk Kozagaçli ya kelepçekirî beşdarî merasîma cenazeyê bavê wî kirin qebûl nakin. Deyar got ku dê têkildarî kelepçekirina Kozagaçli de der barê rayedaran de giliyê sûc bikin.

Daxuyanî bi çalakiya rûniştinê qediya. AMED

Dikarî Biecibînî