Ji bo dîtina zêran gora keça êzidî wêran kirin

Navenda Nûçeyan

Li Êlihê ji aliyê hin kesên nenas ve li dijî goristana gundê êzidiyan Çinêryayê erîşeke hovanek pêk hat. Êrîşkaran ji bo dîtina zêran gora keçeke ciwan a êzidî vekiriye û texrîb kiriye

Li gundê êzidiyan Çinêrya yê navçeya Bişêriyê ya Êlihê li dijî gora gund êrîşeke hovane pêk hat. Pîr Cengîz Kiy têkildarî mijarê agahî da û diyar kir êrîş roja şemiyê di saetên derengiya şevê de ji aliyê hin kesên nenas ve pêk hatiye. Pîr Kiy da zanîn ku êrîşkaran gora keça êzidî ya bi navê Zara Dîn ku 15 sal berê jiyana xwe ji dest daye vekirine û xesar dane cenazeyê wê.

Kiy got ku têkildarî sedema êrîşê tu agahî li ber destê wan tune ye û tenê texmîn dikin ku dê ji bo dîtina zêran êrîşeke wiha hovane pêk hatiye. Kiy destnîşan kir ku piştî êrîşê ferqkirine gazî leşkeran kirine û lêpirsîn dane destpêkirin. Kiy herî dawî da zanîn ku piştî lêkolînên leşkeran careke din cenazeyê keça ciwan binax kirine û jê re gor çêkirine.

Dikarî Biecibînî