Ji bo Guven 10 hezar û 500 îmze kom bûn

 Ji bo piştevaniya berxwedana Hevseroka KCD’ê Leyla Guven a 90 roj in di greva birçîbûnê de ye, kampanyaya îmzeyan a navneteweyî rastî eleqeyek mezin tê. Di kampanyayê de 10 hezar û 500 îmze kom bûn

Greva birçîbûnê ya bêdem û bêdorveger a Hevseroka Kongreya Civaka Demokratîk (KCD) û Parlamentera HDP’ê ya Colemêrgê Leyla Guven ji bo rakirina tecrîdkirina Rêberê Gelê Kurd Abdullah Ocalan daye destpêkirin di roja 90’î de berdewam dike. Berxwedana Guven a li Girtîgeha Tîpa E ya Amedê dest pê kir û piştî roja 79’an hat berdan û 11 roj in li mala xwe berdewam dike ket roja 90’emîn.  Rêzeçalakiyên ji bo piştevaniya Guven roj bi roj berbelav dibin. Li ser change.org’ê kampanyaya îmzeyan a navneteweyî hat destpêkirin. Kampanya îmzeyan gihişt 10 hezar û 500 îmzeyan.

Lînka kampanyaya îmzeyê wiha ye:

https://www.change.org/p/leyla-guven-petition-for-leyla-guven

AMED