Polîsan êrîşî merasîma vekirina buroya HDP’ê kir

Polîsên rejîma AKP’ê  bi bombeyên gazê êrîş birin ser merasîma vekirina buroya hilbijartinê ya HDP’ê ya li Serêkaniyê û polîsan namzeta hevşaredariyê Narîn Gezgor destgîr kir

HDP’ Serêkaniyê xwest li kolana PTT’ê ya berê ya li navçeya Serêkaniyê ya Rihayê buroya hilbijartinê veke lê belê polîsan êrîşî merasîmê kir.

Dema ku namzetên HDP’ê yên ji bo hevşaredariya Serêkaniyê Mehmet Alî Kahraman, Narîn Gezgor û girseya gel dixwestin bi rengekî girseyî ber bi buroya hilbijartinê ve bimeşin, polîsan êrîşî wan kirin. Polîsan li ber avahiya partiyê pêşî li girseya gel girtin û nehiştin bimeşin.

Li ser vê yekê girseya gel kom bi kom ber bi buroya hilbijartinê ve çûn û li wir li hev civiyan. Namzeta hevşaredariyê Narîn Gezgor dema ku li ser tecrîdkirina Rêberê Gelê Kurd Abdullah Ocalan diaxivî, polîsan bi bombeyên gazê êrîş kirin. Gezgor ji bo xwe ji bombeyê gazê biparêze kete hundirê buroya hilbijartin lê ji aliyê polîsan ve hate binçavkirin. RIHA 

Dikarî Biecibînî