Platforma Zimanê Kurdî bi rojnamegeran re dicive

Navenda Nûçeyan

Platforma Zimanê Kurdî sibê li Cemiyeta Rojnamegerên Başûrê Rojhilat bi rojnamegeran re bê gel hev û qala xebatên xwe yên ku heta niha kirine bike

Platforma Zimanê Kurdî ku di dawiya sala 2018’an de bi beşdarbûna 9 partiyên kurd hat avakirin û ji bo zimanê kurdî dest bi xebatan kir, sibê bi bernameyeke bi rojnamegeran re tê gel hev. Platform dê di çarçoveya bernameya xwe de sibê saet di 09.30’an de li Cemiyeta Rojnamegerên Başûrê Rojhilat taştê bide rojnamegeran û qala xebatên xwe yên ku heta niha ji bo zimanê kurdî kirine bike.

Platforma ji 9 partiyên kurd pêk tê û di 29’ê cotmeha 2018’an de hat avakirin. Platformê cara yekemîn di 10’ê mijdara 2018’an de komxebatek pêk anî. Di vê komxebatê de ji bo pêşxistin û qebûlkirina zimanê kurdî 3 komîsyon hatibûn avakirin. Ev komîsyon hem li qada navneteweyî û hem jî li bakurê Kurdistanê û Tirkiyeyê xebatên ziman bi rê ve dibin.

Dikarî Biecibînî