‘Xeman nexwe’ fêrî soberiyê bibe

Li Zanzîbarê xelk bi piranî mêvanan bi peyvên “Hakuna Matata” pêşwazî dike ku bi zimanê Swahili tê maneya “xeman nexwe.” Lê heta niha gelek kes xeniqîn û di çarçoveya projeyan de fêrî soberiyê dibin

Li peravên rojhilatê Afrîkayê, koma giravan a bi navê Zanzîbar heye. Li wir xelk bi piranî mêvanan bi peyvên “Hakuna Matata” pêşwazî dikin ku bi zimanê Swahili tê maneya “xeman nexwe.”

Lê xemeke van giravan heye. Ew girav herêmeke nîv otonom a Tanzanyayê ne. Ev erdên ku behra Hindistanê ew kirine mîna parçeyek ji beheştê, ji mêj e bi pirsgirêkkê re rûbirû ye. Piraniya xelkê wê bi soberiyê nizane. Gava ku sala 2011´an boteke mezin noqî avê bû, 224 kes xeniqîn. Niha înîsiyatîfeke civakî dest pê kir ku dersên soberiyê bide her kesê û ji her temenî.

Navê projeyê “The Panje Project” e ku navê masiyekî wê deverê ye. Projeyê sala 2013´an bi 20 şagirtan dest pê kir. Niha piştî bi 5 salan wan 7 hezar kes fêrî soberiyê kirin li Zanzîbarê. Di nava wan de gelek zarok û keç jî hene ku bi xêra van dersan hem fêrî soberiyê dibin û hem jî talûkeya xeniqînê di encama felaketekê de jî kêm dibe. Sala 2018´an 633 keç û jin bi vê projeyê fêrî soberiyê hatin kirin. ZANZÎBAR