Rojnameger Yilmaz beraet kir

Rojnameger Îdrîs Yilmaz ji ber ku dîmenê zarokê ji hêla cerdevanan ve dihat îşkencekirin weşand, salek û 3 meh cezayê girtîgehê lê hatibû birîn. Dadgeha Îstînafê jî îtîraza hatibû kirin nirxand û biryara beraetê da

Rojnameger Îdrîs Yilmaz ji ber ku nûçeya zarokê li navçeya Erdîş a Wanê ji hêla cerdevanan ve hatiye derbkirin û dîmenên wê weşandibû der barê wî de bi îdiaya ‘bi rêya çapemeniyê mirovan tewambar dike’ doz lê hatibû vekirin. Doza Yilmaz li 1’emîn Dadgeha Cezayên Giran a Erdîşê hat dîtin û dadgehê ji bo Yilmaz salek û 3 meh cezayê girtîgehê dabû.

Li ser îtîraza hat kirin, doz ji bo Dadgeha Edlî ya Herêma Erziromê hate şandin. 7’emîn Daîreya Cezayên Dadgeha Herêmî ya Erziromê nûçeya  ku di çapemeniyê de hatibû dayîn, weke azadiya çapemeniyê nirxand û biryara beraetê da.

Rojnameger Îdrîs Yilmaz ji ber nûçeyên çêkirin, bi îdiaya ‘endamtiya rêxistinê’ di meha çileyê de 6 sal û 3 meh cezayê girtîgehê lê hatibû birîn. Yilmaz ji 22’yê çileya sala 2018’an ve li Girtîgeha Ewlekariya Bilind a Hejmara 1 a Xerpêtê tê girtin. WAN