Artêşa tirk li Bamernê perwerdeya sîxuriyê dide

Hat ragihandin ku artêşa tirk li baregeha xwe ya bajaroka Bamernê ya girêdayî Duhokê, perwerdeyê dide hin kesên ji herêmê da ku demsala biharê di bin navê komkirina kenger û pincar de derkevin bejahiyê û nuqteyên gerîlayên HPG’ê tespît bikin

Li gorî zanyariyên ku çavkaniyek pêbawer a ji herêmê ragihandiye, artêşa tirk a dagirker li baregeha xwe ya Bamernê, hin kesên ji herêmê bi armanca ku li dijî gerîlayên HPG’ê kar bikin û cîh nîşan bidin perwerde dike.

Çavkanî destnîşan kir ku perwerde 8 rojan dom dikin û kesên ji herêmê yên ku têkiliya wan bi artêşa tirk re heye tên tevlikirin. Çavkaniyê diyar kir ku di van perwerdeyan de mijarên wekî, “Cihek, nuqteyek çawa tê tespîtkirin û hwd” tên dayîn.

Çavkaniyê ji herêmê bal kişand ku ji kesên tev li perwerdeyê dibin re hatiye gotin ku bi demsala biharê re di bin navê komkirina kenger û pincarê de derkevin bejahiyê û nuqteyên gerîlayan tespît bikin. DUHOK

Dikarî Biecibînî