Li rojhilatê Kurdistanê gelek kes hatin binçavkirin

Li rojhilatê Kurdistanê li dijî pêkanînên rejîma Îranê çalakî hatin lidarxistin û gelek kes ji aliyê rejîmê ve hatin binçavkirin

Duh li rojhilatê Kurdistanê li gelek bajaran li dijî sîstema desthilatdar a Îranê xwepêşandanên nerazîbûnê hatin lidarxistin. Li ser banga Înîsiyatîfa Gel a Rojhilatê Kurdistan ya pêngava ‘ Êdî Bes e’ xelkê rojhilatê Kurdistanê daket qadan lê rastî astengiya hêzên ewlekarî yên rejîma Îranê hatin. Li gorî agahiyan gelek çalakvan hatin binçavkirin.

Mamosteyê bi nave Muxtar Esedî ku mamostayekî dibistana bajarê Sine ye, dema vedigeriya mala xwe ji aliyê 4 kesên ser bi Îtlaata Îranê ve rastî astengiyan hat.

Xwepêşandana mamostayan a li Urmiyeyê li ber derê Rêveberiya Giştî ya Perwerdeyê dest pê kiribû. Bi mudahalekirina hêzên ewlekariyê alozî di nava xwepêşandar û hêzên ewlekariya Îranê de derket. Gelek kes ji aliyê hêzên ewlekariya Îranê ve hatin binçavkirin û heya niha jî çarenûsa wan ne diyar e.

Li gorî rapora Komeleya Mafên Mirovan a Rojhilatê Kurdistanê li bajarê Sunqur ê parêzgeha Kirmanşan 3 welatiyên bi navên Kîwmers Wehzî, Cebar Hacî Muradî û Hadî Baqirî ji aliyê hêzên pasdaran ve hatin binçavkirin. Lê heya niha jî sedema girtina van kesan nehatiye aşkerakirin. SINE

Dikarî Biecibînî