aram

Rojnamegerên Başûr piştgirî dan greva birçîbûnê

Rojnamegerên başûrê Kurdistanê piştgirî dan çalakiyên greva birçîbûnê û diyar kirin ku divê çapemenî gelek girîngiyê bide van çalakiyên grevên birçîbûnê û gotin; “Tecrîd li dijî mirovahiyê ye.”

Grevên birçîbûnê yên bi pêşengiya hevseroka KCD’ê û parlamentera HDP’ê Leyla Guven de ji bo tecrîda li ser Rêberê Gelê Kurd Abdullah Ocalan were rakirin hatine destpêkirin berdewam dikin. Rojnamegerên navçeya Seyidsadiq a Silêmaniyê jî bi li ser girîngiya van çalakiyan ji Rojnews’ê re axivin.

Rojnameger Salar Mehmûd aşkera kir ku dê bandora van çalakiyan hebe û wiha got: “Ew zilm, sitem û zordariya dewleta tirk a li hemberî Ocalan di dîrokê de mînakên wê kêm in. Di nav 20 salan de ji bo rakirina tecrîda li ser Ocalan gelek hewldanên li Kurdistanê û derveyî Kurdistanê hatine kirin. Yek ji van cure zextan jî çalakiyên greva birçîbûnê ne, ev yek jî cureyek ji çalakiyên medenî û bi bandor in.”

Salar Mehmûd aşkera kir ku divê çapemeniya kurd girîngiyek zêde bide van çalakiyên greva birçîbûnê yên mezin, ji bo ku bigihînin cîhanê û wiha pêde çû: “Lê mixabin girîngiyê nadin. Erka medyayê ew e ku bûyerê ji cîhanê re aşkera bike.”

Her wiha rojnameger Zana Elî piştgirî da çalakiyên greva birçîbûnê û wiha got: “Divê hemû beşên civakê piştgiriyê bidin grevên birçîbûnê. Rêber Apo li Îmraliyê bû semboleke weke Mandela û Gandî. Li hemû cîhanê bandoreke baş a felsefe, nivîs û pirtûkên Rêber Apo heye. Ocalan sembola têkoşîn û berxwedanê ye.”

Zana Elî aşkera kir ku divê berxwedan berdewam bike û wiha dawî li axaftina xwe anî; “Dixwazim dewleta tirk tecrîda li ser Rêber Apo rake. Ji ber ku karekî nemirovane ye. Ji hemû nirxên mirovahiyê dûr e.” SILÊMANÎ

Dikarî Biecibînî