Cezayê ‘Çerxa Şoreşê’ dan û xwest ‘Sirûda Îstîklalê’ binivîsîne!

Li Amedê xwendekar A.K. bi boneya sirûda “Çerxa Şoreşê” da guhdarkirin. K.K. xwest sirûd neyê guhdarkirin. Bi îdaya A.K., K.K, derb kiriye 6 meh û 20 roj cezayê hepsê lê hat birîn û 5 salan hat taloqkirin. Dadger ji A.K. xwest “Sirûda Îstîklalê” û helbesta “Şehîdên Çanakkaleyê” bi destê xwe binivîsîne û bigihîne destê wan

Li Wargeha Xwendekarên Keç a Şaredariya Bajarê Mezin a Amedê xwendekar A.K. di 21’ê çileya 2017’an de di telefona xwe de sirûda “Çerxa Şoreşê” vekir. Xwendekar K.K., A.K. hişyar kir û xwest sirûdê bigire. A.K. bi îdaya K.K. derb kiriye doz lê hat vekirin. Danişîna dozê li 9’emîn Dadgeha Cezayê Asliyeyê hat dîtin. A.K. a bi îdaya “Birîndarkirina hêsan” ku tê darizandin parastina xwe kir. A.K. got bi boneya xwe bi parêze kulmek li K.K. xistiye û xwest ji dozê bê beratkirin.

Ceza da û taloq kir

Dadger ji sûcê “birîndarkirina hêsan” 8 meh cezayê hepsê li A.K. birî. Dadger demildest ceza daxist 6 meh û 20 rojan û biryara ku pişt re hikum bê aşkerakirin. Dadger di çarçoveya xala 231/8 a CMK’ê de jî 5 sal biryara tedbîrê danî ser cezakirinê. Divê heta 5 salan heman ceza neyê kirin û di kêliya bê kirin de dê ceza bê erêkirin.

Dadger xwest ‘Sirûda Îstîklalê’ û ‘Şehîdên Çanakkaleyê’ binivîse

Piştî vê biryarê dadger biryareke sosret a nijadperestî da. Dadger di hêceta biryarê de xwest di meha ewil a dema kontrolê de bi nivîsa destan û bi awayek bê xwendin “Sirûda Îstîklalê” ya Mehmet Akîf Ersoy û helbesta “Şehîdên Çanakkaleyê” binivîsîne û bigîhîne dadgehê. AMED

Dikarî Biecibînî