aram

Sîsê Bingol dê îro tahliye bibe

Sîsê Bîngol a 85 salî ku ATK’ê rapora “Dikare li girtîgehê bimîne” da, ji ber înfaza wê bi dawî bû, dê îşev bi şert tahliye bibe

Saziya Tipa Edlî (ATK) der barê dayika 85 salî Sîsê Bîngol de rapora “Dikare di girtîgehê de bimîne” dabû. Bîngol piştî înfaza wê qediya, li bendê ye êvarî tahliye bibe. Sîsê Bîngol ku li Girtîgeha Tîpa T a Tarsûsê girtî ye, bi îdîaya “Bi zanebûn alîkarî daye rêxistinê” rastî 4 sal û 2 meh cezayê girtîgehê hatibû. Parêzera Sîsê Bîngol Prz. Gulşen Ozbek anî ziman ku dê ewil wê sewqî girtîgeha vekirî bike û piştre bi şert dê tahliye bike. Gulşen Ozbek anî ziman ku dê îro di saetên êvarî de Bîngol tahliye bibe.

Sîsê Bîngol, li gundê Badan ê Navçeya Gimgimê ya Mûşê di Nîsana 2016’an de hat binçavkirin û girtin. Bîngol, di serdegirtina malê de li gel 3 kesên din hat binçavkirin û piştre hat girtin. Ewil birin Girtîgeha Tîpa F a Mûşê. Di Hezîrana 2016’an de hat berdan. Di Nîsana 2017’an de dîsa hat girtin û rastî 4 sal û 2 meh ceza hat. Bîngol piştî rastî ceza hat ew dîsa şandin Girtîgeha Mûşê. Ji vir jî sewqî Girtîgeha Tîpa T a Jinan a Tarsûsê kirin. MÊRSÎN

 

Dikarî Biecibînî