aram

Çalakgerên greva birçîbûnê hatin berdan

5 HDP’iyên di 3’yê adarê de li avahiya HDP’ê ya Amedê dest bi çalakiya greva birçîbûnê ya bêdem û bêdorvger kirin û li ser fermana Soylû hatibûn binçavkirin, hatin berdan

Parlamentera HDP’ê ya Amedê Dersîm Dag û 5 endamên HDP’ê Salîh Cansever, Îsmet Yildiz, Sevîcan Yaşar, Salîh Tekîn û Bîlal Ozgezer bi armanca rakirina tecrîda li ser Rêberê Gelê Kurd Abdullah Ocalan di 3’yê adarê de, bi civînek çapemeniyê li avahiya HDP’ê ya Amedê dest bi greva birçîbûnê ya bêdem û bêdorveger kiribûn. Roja ku çalakiyê dest pê kir, bi fermana Wezîrê Karê Hûndir Suleyman Soylû, polîsan bi ser avahiya HDP’ê de girtibûn û 5 çalekgerên HDP’î bi derban binçavkiribûn. Her 5 HDP’î 4 roj şûnde îfaden dan û sewqî Edliya Amedê hatin kirin. Dozger îfadeyên Sevîcan Yaşar, Salih Tekîn û Bîlal Ozgezer girtin û serbest berdan, Îsmet Yildiz û Salîh Cansever jî bi şertê kontrola edlî sewqî dadgeha nobedar kirin. Dadgehê jî bi şertê kontrolê HDP’iyan berd. AMED