aram

Temellî çalakvanên greva birçîbûnê ziyaret kir

Hevserokê HDP’ê Sezaî Temellî li Amedê serdana koma çalakiya greva birçîbûnê ya li avahiya HDP’ê ya Amedê ziyaret kir

Li avahiya Partiya Demokratîk a Gelan (HDP) a Amedê, ji bo rakirina tecrîda girankirî ya li ser Rêberê Gelê Kurd Abdullah Ocalan, koma duyemîn ku parlamenterên HDP’ê jî di nav de ne dest bi greva birçîbûnê ya bêdem û bêdorveger kirin.

Bi tevlêbûna parlamentera HDP’ê ya Amedê Dersîm Dag û 5 endamên HDP’ê, ji bo rakirina tecrîda girankirî ya li ser Ocalan, di 3’yê adarê de li avahiya HDP’ê ya Amedê çalakiya greva birçîbûnê  ya bêdem û bêdorveger hate destpêkirin. Îro jî bi heman boneyê,  di nav de parlamenterên HDP’ê Tayîp Temel û Mûrat Sarisaç jî, koma duyemîn dest bi greva birçîbûnê ya bêdem û bêdorveger kir.

Piştî koma duyemîn dest bi grevê kir, hevserokê HDP’ê Sezaî Temellî hat serdana çalakvanên greva birçîbûnê. Temellî di serdanê de piştgiriya xwe ya bi çalakvanan re anî ziman. AMED

Dikarî Biecibînî