‘Ger zext bidomin ez ê çalakiyê veguherînim rojiya mirinê’

Herêm Mehmûd ku ev 19 roj in li dijî tecrîdê di grevê de ye, bertek nîşanî gefên asayîşê da û diyar kir ku ger zext bidome dê çalakiya xwe veguherîne rojiya mirinê

Endezyar Herêm Mehmûd ku li herêma Germiyanê ya başûrê Kurdistanê li dijî tecrîdkirina Rêberê Gelê Kurd Abdullah Ocalan 19 roj in di greva birçîbûnê ya bêdem û bêdorveger de ye, nerazîbûn nîşanî zextên hêzên asayîşê da.

Mehmûd diyar kir ku hêzên asayîşê bi rêya telefonê lê geriyane û xwestin were asayîşê û gotine ger neyê dê ji bo wî encam nebaş be û wiha got: “Bi gefan ez ji çalakiya xwe venagerim. Ez ê têkoşîna xwe mezintir bikim. Ger zext zêde bibin ez ê çalakiya xwe veguherînim rojiya mirinê.”

Her wiha Mehmûd spasiya xwe li kesên ku piştgiriya wî dikin kir û got ku tu carî ji têkoşînê bêhêvî ne û hêviya wan ji bo serkeftinê ye. KELAR 

Dikarî Biecibînî