PDK’ê nehişt heyeta KNK’ê derbasî Rojava bibe

Heyeta KNK’ê ku ji Ewropayê derbasî başûrê Kurdistanê bû û xwest derbasî rojavayê Kurdistanê bibe, li Deriyê Sînor ê Pêşxabûrê ji hêla PDK’ê ve hat astengkirin. Heyet vegeriya Hewlêrê

Kongreya Neteweyî ya Kurdistanê (KNK) ku navenda wê li Brukselê ye, çend roj berê nûnerên partiyên siyasî yên rojavayê Kurdistanê li hev kom kiribûn.

Hevserokê KNK’ê Rêbiwar Reşîd, endamên KNK’ê Ehmed Karamus û Êrîş Elîzadeh di çarçoveya van xebatan de xwestin ku biçin rojavayê Kurdistanê. Heyeta KNK’ê di serî de derbasî başûrê Kurdistanê bû.

Li gorî agahiyan, hevserok û endamên KNK’ê di roja çarşemê de li Deriyê Sînor ê Pêşxabûrê ji aliyê wezîfedarên sînor ên PDK’ê ve hatin rawestandin. Endamên KNK’ê ji neçarî vegeriyan Hewlêrê. Tê payin ku heyeta KNK’ê li ser vê astengiyê daxuyaniyekê bide. HEWLÊR

Dikarî Biecibînî