Rewşa girtî giran bû û nikare nefesê bistîne

Hat ragihandin ku rewşa tenduristiya girtî Burhan Barut ê 79 roj in li Girtîgeha Tekîrdagê di greva birçîbûnê de ye giran bûye û di nefes girtinê de zehmetiyan dikişîne

Girtî Burhan Barut ê cezayê muebetê lê hatiye birîn û li Girtîgeha Jimara 1’an a Tîpa F Tekîrdagê di hucreya yekkesî de tê ragirtin, ji 26’ê kanûnê ve ji bo rakirina tecrîda li ser Rêberê Gelê Kurd Abdullah Ocalan di greva birçîbûnê ya bêdem û bêdorveger de ye. Hat zanîn ku rewşa tenduristiya Barut giran bûye.

Ji endamên Komîsyona Girtîgehê ya Platforma Hiqûqnasên Azadîxwaz parêzer Firat Vural ku bi miwekîlê xwe Barut re hevdîtinê kir, diyar kir ku rewşa wî gihiştiye astek e krîtîk û wiha got: “Burhan Barut di nefes danûstendinê de zehmetiyan dikişîne. Di sînga wî de êş heye. Di demek wiha de rewşa wî giran bûye û kes li cem wî nîne. Ev yek endîşeyê dide mirov.”

Vural da zanîn ku miwekîlê wî Barut tedawiya bijîşkan qebûl nake û ji bo Barut bi tena serê xwe nemîne xwestiye gav bên avêtin lê heta niha hêj gav nehatiye avêtin.

Her wiha Vural anî ziman ku li gel Barut girtiyên din ên di grevê de ne jî rewşa wan ber bi nebaşbûnê ve diçe. TEKÎRDAG

Dikarî Biecibînî