Li Îdirê 2 leşker hatin kuştin

HPG’ê bi daxuyaniyekê destnîşan kir ku hêzên wan li Îdirê li dijî hêzên artêşa tirk çalakî pêk anîne û 2 leşker hatine kuştin. HPG’ê diyar kir ku artêşa tirk jî di 13’ê adarê de herêmên Zê û Garê bombebaran kirine

Navenda Ragihandin û Çapemeniyê ya HPG’ê li ser çalakiyên gerîla û bombebarana hêzên artêşa tirk daxuyaniyeke nivîskî weşand.

Di daxuyaniyê de HPG’ê diyar kir ku di çarçoveya Pêngava Serkeftinê ya Şoreşgerî de ku li Eyaleta Serhedê didome, hêzên wan di 12’ê adarê saet 15:00 û di 13’ê adarê de jî saet di 07:00’an de li dijî leşkerên dewleta tirk ên li qereqola Korxanê ya li Girê Kirê Korê 2 çalakiyên sûîqestê pêk anîne.

HPG’ê da zanîn ku di encama her du çalakiyên hêzên wan de 2 leşkerên artêşa tirk hatine kuştin. HPG’ê destnîşan kir ku piştî çalakiyê hêzên artêşa tirk bi çekên giran gule li derdorê reşandine.

Daxuyaniya HPG’ê wiha bi dawî bû: “Di 13’ê adarê de balafirên şer ên artêşa TC a dagirker saet 14:00’an de qada gundê Filleha yê li herêma Zê û di saet 16:00’an de jî qada Çemankê ya herêma Garê yên Herêmên Parastinê yên Medyayê bombebaran kirin. Bombebaranê zerar negihand hêzên me.” BEHDÎNAN

Dikarî Biecibînî