Nûnerên PYD’ê serdana çalakgerên Strasboûrgê kirin

Çalakiya greva birçîbûnê ya bêdem û bêdorveger ku li Strasbourgê ji aliyê 14 çalakgeran re hatiye destpêkirin, di roja 106’emîn de didome. Her wiha serdanê ji bo çalakgeran jî didomin

Li bajarê Strasboûrgê yê Fransayê 14 çalakgeran ji bo rakirina tecrîda li ser Rêberê Gelê Kurd Abdullah Ocalan dest bi greva birçîbûnê kiribûn. Ev çalakî di roja 106’an de didome. Her wiha serlêdanê ji bo çalakgeran jî didome.

Nûnerên PYD’ê yên li Ewropayê Şiyar Alî, Stêr Dag, Abdulselam Mistefa û li ser navê Komîsyona Jinan a PYD’ê Axîn Gulo û Zozan Dêrik hatin serdana çalakgeran.

Li ser navê Nûnertiya PYD’ê ya li Ewropayê Şiyar Alî axivî û diyar kir ku bi serkeftina li hemberî DAIŞ’ê gelê kurd moral stendiye.

Şiyar Alî bal kişand ser berxwedana ku bi pêşengiya Leyla Guven hatiye destpêkirin û destnîşan kir ku ev yek pêşengiya jinên kurd diyar dike û wiha got: “Rêhevalên me, li her derê ji bo jiyana azad têkoşiyan û jiyana azad bi rêxistin kirin. Gelê me di nav berxwedaneke mezin de ye. Em ê jiyana azad bi Rêbertiya azad ava bikin. Dema ku tecrîd were şikandin dê şerê li dijî kurdan jî biqede. Peywireke dîrokî ye ku gelê me xwedî li van çalakiyên greva birçîbûnê derkevin.”

Li ser navê çalakgeran jî hevserokê KCDK-E’yê Yuksel Koç diyar kir ku berxwedana di vê serdemê de dê serkeftinê jî bi xwe re bîne û ev tişt anî ziman: “Ez gelekî serbilind im ku di vê pêngava berxwedanê de cih digirim a ku rêhevala me Leyla Guven daye destpêkirin. Heta ku tecrîda li ser Rêberê Gelê Kurd Abdullah Ocalan bişikê dê berxwedana me bidome.” STRASBOÛRG 

Dikarî Biecibînî