Li Girê Spî mayin teqiya

Li Girê Spî mayineke çeteyên DAIŞ’ê ku di demên berê de çandibûn, teqiya. Di encama teqînê de welatiyekî jiyana xwe ji dest da û 4 welatî jî birîndar bûn

Çeteyên DAIŞ’ê di dema dagirkeriya li Girê Spî de bi hezaran mayin li herêmê çandin. Her çiqas gelek ji van mayinan hatibin paqijkirin jî, hîn gelek jê li şûna xwe ne. Yek ji van mayinên ku di demên berê de ji hêla çeteyên DAIŞ’ê ve hatibû çandin vê ber êvarê saet di 16:15’an de li rojhilatê Girê Spî teqiya.

Li gorî agahiyên ji Girê Spî, di encama teqînê de welatiyekî jiyana xwe ji dest da û 4 welatî jî birîndar bûn. Li ser teqînê jî Tîmên Ewlekariya Hundirîn çûn cihê bûyerê û birîndar rakirin nexweşxaneyê.

Hat zanîn ku rewşa çend birîndaran giran e. GIRÊ SPÎ

Dikarî Biecibînî