Nasir Yagiz: Çalakiya min bidawî dibe lê dê têkoşîn bidome

 

Endamê Meclisa HDP’ê ya Hewlêrê Nasir Yagiz ku 187 rojin di greva birçîbûnê ya bêdem û bêdorveger de ye, li ser banga Rêberê Gelê Kurd Abdullah Ocalan, çalakiya xwe bidawî kir û wiha got: “Têkoşîna me wê heta Kurdistanek azad berdewam bike.”

Piştî daxuyaniya parêzerên Rêberê Gelê Kurd Abdullah Ocalan û daxuyaniyên girtiyên zindanan, Leyla Guven û parlamenterên HDP’ê,  Nasir Yagiz jî li nûnertiya HDP’ê ya li Hewlêrê daxuyaniyek da çapemeniyê.  Nasir Yagiz wiha got: “Wekî roja yekem ku me got, tenê gotin Rêber Apo ji bo me girînge. Heta niha em bi vê rihê rêhevaltiyê nêzîk bûn, îro em bi vê rihê, li ser banga Rêber Apo, wekî hevalên xwe yên zindanan, wekî hevala me Leyla Guven çalakiya xwe bidawî dikin. Ez bejna xwe li beramberî Rêber Apo, hevalên zindanan û Tevgera Azadiyê ditewînim. Ev bidawîbûna çalakiyê nayê wateya ku têkoşîna me bidawî bûye, têkoşîna me wê ji îro û şûnde jî ji bo demokrasî û Kurdistanek azad bidome. Ez ji hemû dayikên me yên laçik spî ku qet em bi tenê nehiştin, hemû dost û hevalên me, ji partî û rêxistinan û çapemeniya azad re ku ji roja destpêkê heta îro em bi tenê nehiştin, spas dikin.” HEWLÊR

Dikarî Biecibînî