Li gelek bajaran operasyona binçavkirinê

Di çarçoveya lêpirsîna ku navenda wê Sêrt bû û biryara binçavkirina 33 kesan hatibû dayîn de li 6 bajaran bi ser gelek malan de hate girtin û gelek kes hatin binçavkirin

Ji aliyê Serdeozgeriya Komarê ya Dihê ya Sêrtê ve bi hinceta ku piştgirî û desteka madî dane endamên PKK’ê lêpirsîn da destpêkirin û biryara binçackirina 33 kesan da. Ji bo vê yekê li navenda Sêrtê û navçeyên wê Dihê û Berwariyê, navçeyên Alanya û Kepezê yên Antalya, navçeyên Akdenîz û Toros ên Mersînê, Êlih, navçeya Rêya Armûşê ya Wanê û navçeya Gazîosmanpaşa ya Stenbolê bi awayekî hemwaxt bi ser gelek malan de hate girtin.

Hat ragihandin ku di çarçoveya serdegirtinan de li Dihê welatiyên bi navê Gûrbet Eşiyok, Îsmaîl Yildiz, Gûle Beştaş û Eda Kîlîs jî di nav de 16 kes hatine binçavkirin. SÊRT

Dikarî Biecibînî