HSD’ê 6 êzidiyên din rizgar kirin

Şervanên HSD’ê 6 welatiyên din ên êzidî ji çeteyên DAIŞ’ê rizgar kirin. Welatiyên êzidî dê derbasî Şengalê bên kirin û radestî malbatên wan bikin

Di 8’ê tebaxa sala 2014’an de di encama êrîşên çeteyên DAIŞ’ê yên li dijî Şengalê de bi hezaran welatiyên êzidî hatin qetilkirin û bi hezaran jin û zarokên êzidî jî hatin revandin. Heta niha bi sedan jin û zarokên êzidî ji hêla şervanên Hêzên Sûriyeya Demokratîk (HSD) ve hatin rizgarkirin û radestî malbatên wan hatin kirin.

Şervanên HSD’ê 6 kurdên êzidî yên din jî ji çeteyên DAIŞ’ê rizgar kirin. Hat zanîn ku dê welatiyên êzidî derbasî Şengalê bên kirin û radestî Tevgera Azadiya Jinên Êzdî (TAJÊ) bên kirin. TAJÊ jî dê welatiyan radestî malbatên wan bike.

Li gorî agahiyan, dê li Mala Êzidiyan daxuyaniyek bê dayîn û kesên hatine rizgarkirin dê teslîmî malbatên wan bên kirin. ŞENGAL

Dikarî Biecibînî