Li Efrînê revandina sîvîlan û talankirina xwezayê didome

Çeteyên dewleta tirk li kantona Efrînê 4 sîvîl revandin û gelek darên li gundê Uga yê navçeya Bilbilê birîn

Dewleta tirk a dagirker û çeteyên wê her roj li Efrînê welatiyan direvînin. Çeteyan tenê welatiyan narevînin di heman demê de xwezaya Efrînê jî talan dikin.

Li gorî nûçeya Ajansa ANHA’yê artêşa tirk li navçeya Şêrawa agir berdaye zeviyên gundê Birc El Qas û gund topbaran kir.

Ji aliyê din ve çeteyên dewleta tirk di 26’ê tîrmehê de li gundê Mamila yê navçeya Mabeta ya Efrînê gelek kes revandin. Navên hinek kesên ku hatine revandin ev in; Alî Bak, Cafer (paşnav nehat zanîn) Nûrî Kurdî û Îzat Kurdî. Li gorî agahiyan kesê bi navê Îzat Kurdî alîgirê ENKS’ê ye.

Her wiha di 26’ê tîrmehê çeteyên dewleta tirk li gundê Uga yê navçeya Bilbilê ya Efrînê gelek dar birîn. EFRÎN

Dikarî Biecibînî