aram

Bi rêya muxtaran hewldana li dijî gerîlayan

Hat ragihandin ku rayedarên bajaroka Kanîmasî bi muxtarên herêmê re civîn çêkiriye û ji wan xwestine ku cihên gerîlayên HPG’ê bên nîşandan û ji bo ku alîkariya gerîlayan neyê kirin jî, gef xwarine

Li gorî nûçeya ajansa Rojnewsê çavkaniyek ji herêmê ku ji ber ewlekariyê nexwest navê xwe aşkera bike, ragihand ku rêveberên bajaroka (midûr nahiya) Kanîmasî ya girêdayî navçeya Amediyê mûxtarên herêmê kom kirine û civînek ji wan re çêkiriye.

Li gorî zanyariyan di civînê de ji muxtaran hatiye xwestin ku bi zext û tehdîtan ji gel bixwazin zanyariyên derbarê cih û kampên gerîlayên HPG’ê de bidin.

Heman çavkanî diyar kir ku ji muxtaram re hatiye gotin divê ji gel re bêjin ‘bi tu awayî alîkarî û hevkarî li gel gerîlayan nekin, yan wê hesabê wê giran bidin.’

Demek beriya niha jî li herêma Biradostê hewldaneke bi vî rengî hatibû çêkirin, lê tu piştgirî ji gelê herêmê negirtibû. AMEDIYÊ

Dikarî Biecibînî