aram

Li Germiyan çeteyên DAIŞ’ê êrîş kirin mirî û birîndar hene

Çeteyên DAIŞ’ê li herêm Germiyan şevê din êrîşî noqeteya Asayîşê ya bajaroka Kokis kirin. Di encama êrîşê de 3 endamên asayîşê şehîd bûn û 6 kes birînbar bibûn. Îro yek ji birîndaran ji ber rewşa xwe ya giran şehîd bû

Çeteyên DAIŞ’ê şevê din li gundê Kuleco yê girêdayî bajaroka Kokis a ser bi Kifrî êrîşî noqteya asayîşê kirin.  Di encama êrîşê de 3 endamên asayîşê şehîd bûn û 6 kes birîndar bibûn. Îro pêşmergeyek birîndar ji ber rewşa wî giran bû şehîd bû. Hejmara şehîdan bû 4 û ya birîndaran jî 5.

Têkildarî êrîşê Rêveberê Asayîşa Kokis Simko Cebar ev agahî dan Rojnewsê;”Di encama êrîşê de du karmendên me yên bi navê Aso Celal û Heyder Fuad şehîd bûn û 6 kesên di nava wan de sivîl û pêşmerge û endamên asayîşê heyîn birîndar bûn. Herwiha şevê din piştî ku hêzên pêşmerge  hewara me hatin, di rê de bombeyek bi wan ve teqiya. Pêşmergeyê bi navê Berzan Ehmed şehîd bû. Mixabin îro danê sibehê yek ji pêşmergeyê birîndaran ê bi navê Piştîwan Mihemed ji ber ku giran birîndar bibû dema rakirin nexweşxaneya Silêmaniyê di rê de şehîd bû. Bi giştî hemara şehîdan bû 4 û birîndaran jî 5.”

Ji aliyê din ve, Îdareya Germiyan bi daxuyaniyekê ragihand ku hejmara birîndaran 8 kesin, bêyî ku nasname û hûrbîniyan bide. GERMIYAN

 

Dikarî Biecibînî