aram

Girtî li dijî sewqê 26 roj in di grevê de ye

Girtiyê bi navê Şeyhdavut Başkan ku bi sedema dê wî tedawî bikin ji Girtîgeha Tîpa 2 a Bunyanê sewqî girtîgehek din kirin, ji bo dîsa li cihê xwe yê berê vegere 26 roj in di greva birçîbûnê de ye

Girtiyê li Girtîgeha Hêjmar 2 a Bunyan a Kayseriyê Şehydavut Başkan ê ku li dijî tecrîdkirina Rêberê Gelê Kurd Abdullah Ocalan ketibû greva birçîbûnê, di 26’ê gulanê de bi sedema dê wî bibin muayeneyê sewqî Girtîgeha Hêjmar 1 a Bunyanê kirin. Başkan bi rêya malbatê diyar kiribû ku ger wî dîsa neşînin girtîgeha berê dê dest bi greva birçîbûnê bike. Li ser vê yekê bav Şeyhmus Başkan serî li ÎHD’ê ya Amedê dabû. Ji ber ku daxwazên Başkan pêk nehatin di 9’ê tîrmehê de dest bi greva birçîbûnê kir. Başkan ji bo dîsa sewqî girtîgeha berê bikin 26 roj in di greva birçîbûnê de ye.

Bav Şeyhmus Başkan jî anî ziman ku daxwazên kurê wî li ber çavan nehatiye girtin û ji bo wê kurê wî 26 roj in dest bi grevê kiriye. Başkan diyar kir ku wî bi ÎHD’ê û parlamenterên HDP’ê re hevdîtin kirine, lê heta niha tu gav nehatiye avêtin û Başkan xwest daxwaza kurê wî pêk bê.

Her wiha Başkan xwest parlamenterên HDP’ê û ÎHD bi rêveberiya girtîgehê re hevdîtin bike û ger tiştek bê serê kurê wî berpirsiyar Wezareta Dadê û kesên bê hestiyar in. AMED