aram

Li dijî gefan mertalên zindî di çalakiyê de ne

Li Kobenê bi sedan çalakvanên mertalên zindî li dijî gev û êrîşên dewleta tirk ev 21 rojin li ser sînorê çalakiya xwe didomînin

Dewleta tirk a dagirker di her kêliyê de polîtîkayên xwe yên li dijî gelê kurd û yên qirkirinê dimeşîn e. Dewleta faşîzan bi salan ne ji bo kurd negihêjin maf û azadiya xwe her cûre şerê qirêk û binpêkirinên mafên mirovan pêş dixe. Bi taybetî piştî Şoreşa Rojava ji bo gelê kurd û yên herêmê negihêjin tu maf û statûyê hemû dijberiyê dike. Bi piştgiriya xwe ya çeteyan û êrîşkirina Rojava ev xwe da der. Her wiha Efrîn dagir kir û hemû çeteyên xwe lê bi cih kir. Dewleta tirk niha jî hewl dide bi hinceta “herêma ewle” seranserê Rojava dagir bike û gefan dixwe.

Li dijî gef û êrîşên dewleta tirk nerazîbûn û çalakiyên welatiyan jî bilind dibe. Ji 17’ê tîrmehê ve ye bi sedan şêniyên kantona Kobanê dest bi çalakiya mertalên zindî li ser sînorê Tirkiyeyê li gundên Qeremox û Ziyaretê kir. Ev yek piştî ku Tirkiye hêzên xwe yên leşkerî li ser sînor zêde kirin û gef li dijî herêmên Bakur û Rojhilatê Sûriyê xwarin, pêk hat.

Çalakiya şêniyan li konê gundê Qeremox ê li rojhilatê bajarê Kobanê, derbasî roja xwe ya 21’an bû. Îro şênî, hefteya sêyemîn a xwepêşandana li ser sînor ya li nêzî gundê Qeremox bi dawî dikin û derbasî hefteya çaremîn bû. Rojane endam û rêveberên partiyên siyasî yên kantonê û rêveberên saziyên civaka sivîl û Rêveberiya Xweser a kantonê beşdarî çalakiyê dibin. Li gelek bajar û bajarokên Bakur û Rojhilatê Sûriyê çalakiyên redkirina gefên Tirkiyeyê û çalakiyên mertalên zindî li ser sînorê Tirkiye dewam dikin. KOBANÊ

Dikarî Biecibînî