aram

Gerîlayan li Colemêrg û Şirnexê çalakî pêk anîn

Gerîlayên HPG û YJA-Starê li navçeya Gever a Colemêrg û navçeya Qileban a Şirnexê li dijî leşkerên artêşa tirk a dagirker çalakî li dar xist. HPG’ê aşkera kır ku li Geverê leşkerek hate kuştin, hejmara kuştî û birîndarên li Şirnexê nehate zanîn

Navenda Ragihandin û Çapemeniyê ya HPG’ê têkildarî çalakiyên gerîla yên li dijî dagirkeriyê daxuyaniyek nivîskî weşand.

HPG’ê di daxuyaniyê de ev agahî ragihand: “Di çarçoveya Pêngava Şoreşgerî ya Şehîd Bager û Şehîd Ronya de hêzên me yên YJA-Starê roja 8’ê Tebaxê li dijî leşkerên artêşa TC’ê ya dagirker ên li ser Girê Sîser ê herêma Çarçella ya navçeya Gever a Colemêrgê çalakiya sûîkastê li dar xist. Di vê çalakiyê de leşkerek hat kuştin. Di roja 2’yê tebaxê saet 08:00’an de hêzên me li dijî qereqola Yekmalê ya navçeya Qileban a Şirnexê çalakiyek li dar xist. Bi bandor li çeper û baregehên dijmin hate xistin, hejmara leşkerên kuştî û birîndar nehate tespîtkirin.” BEHDÎNAN 

 

Dikarî Biecibînî