Li dijî ESP, KCD û HDP’ê qirkirina siyasî 21 kes hatin binçavkirin

Navenda Nûçeyan

 

Li navenda Wanê û li 8 navçeyên di serdegirtina malan de 17 endamên KCD’ê û HDP’ê hatin binçavkirin. Hevserokê Giştî yê ESP’ê Şahîn Tumuklu rêveberên ESP jî di nav de 4 kes li Stenbolê hatin binçavkirin

Operasyonên qirkirina siyasî yên rejîma AKP/MHP’ê li ser siyasetmedarên kurd û demokrat ranaweste. Di çarçoveya operasyona qirkirinê de li navenda Wanê û li 8 navçeyên di serdegirtina malan de 17 endamên KCD’ê û HDP’ê hatin binçavkirin. Hevserokê Giştî yê ESP’ê Şahîn Tumuklu rêveberên ESP jî di nav de 4 kes li Stenbolê hatin binçavkirin.

Polîsan serê sibehê li navenda Wanê û 8 navçeyên wê bi ser malan de girtin. Di serdegirtina malan de bi piranî endamên Kongreya Civaka Demokratîk (KCD) û HDP’ê 17 kes hatin binçavkirin. Sedema binçavkirinê nehat zanîn.

Navên ên hatin binçavkirin wiha ne: Nesîbe Akdag, Fîkret Dogan, Mehmet Saît Karabiyik, Fatîh Şahîn, Hasan Guven, Abdullah Keleş, Vahyettîn Uca, Ertugrul Korkmaz, Esra Babur, Şefîk Ummaz, Dîlan Yildiz, Bahattîn Yavuz, Seyît Kiliç, Hevserokê HDP’a Qelqeliyê Burhan Atmaca, Tahsîn Aktî, Veysî Aktî, Muhsîn Aladag.”

Hevserokê Giştî û rêveberên ESP’ê hatin binçavkirin

Li aliyê din polîsan serê sibê li Stenbolê bi ser malên rêveberên Partiya Sosyalîst a Bindestan (ESP) de girtin. Di serdegirtina malan de lêgerîn pêk hat. Piştî lêgerînê polîsan Hevserokê Giştî yê ESP’ê Şahîn Tumuklu, Seroka Rêxistina Stenbolê Pinar Turk û endamên MYK’ê Huseyîn Îldan û Savaş Başak binçav kirin.

 

Dikarî Biecibînî