Komên çete li Efrînê 5 sivîlên din revandin

Hêzên artêşa tirk û çeteyên wê li Efrînê 5 welatiyên din ên sivîl revandin. Têkildarî aqûbeta welatiyan tu agahî nehatin bidestxistin

Zilm û zordariya hêzên artêşa tirk û çeteyên wê yên li ser gelê Efrînê berdewam in. Di vê çarçoveyê de hêzên dagirker hema hema rojane welatiyên Efrînê direvînin.

Çavkaniyên ji herêma Şiyê ya Efrînê da zanîn ku komên çete yên girêdayî dewleta tirk duh li gundê Senerê yê Şiyê 4 welatiyên sivîl revandin. Li gorî agahiyan, navên welatiyên hatine revandin wiha ne: “Mihemed Henan Eşwanî, Hesen Ehmed Soro, Ebdo Mihemed Ehmed û Kemal Xelîl Mehmûd.”

Di heman demê de çavkaniyan diyar kir ku komên çete mehek û nîv berê jî li navçeya Cindirês a Efrînê welatiyê bi navê Hisên Elî Hesen revandibû û der barê çarenûsa Hesen de tu agahî nayên bidestxistin.

Çarenûsa welatiyê bi navê Ehmed Mûstefa Cinîd ê ji şêniyên navçeya Cindirêsê ku çend roj berê ji hêla çeteyan ve hatibû revandin jî nayê zanîn. EFRÎN

Dikarî Biecibînî