Ji malbatekê 5 girtî li girtîgehên cuda ne

Li Colemêrgê ji malbata Ertunç 5 kes girtî ne. Bav Ahmet Ertunç ji bo zarokên wî neqlî girtîgeha Colemêrgê bidin û karibe wan ziyaret bike, heta niha serî li hemû rayedarên dewletê naye. Lê daxwaznameyên wî tev bê bersîve mane. Parlemaneter Ebrû Gunay têkildarî mijarê bi boneya Wezîrê Dadê Abdulhamît Gul bibersivîne pirsname da meclisê

Li Colemêrgê ji malbata Ertunç 5 kes girtî ne û her yek li girtîgehek cûda ye. Malbata Ertunç diyar kirin ku ji bo wan ziyaret bikin dem di aliyê aborî de û hem jî di aliyê derûnî de gelek zor û zahmetiyan dijîn. Ji malbata Ertunç Ahmet Ertunç, heta niha ji bo karibe zarokên xwe tevan li girtîgehekê kom bike û karibe wan ziyaret bike gelek caran serî li wezaret, dozger û midûriyeta giştî ya girtîgehan daye lê tu encam bi dest nexistiye. Têkildarî mijarê Parlamentera HDPê ya Mêrdînê Ebrû Gunay bi boneya Wezîrê Dadê Abdulhamît Gul bibersivîne pirsname da meclisê. Gunay anî ziman ku Bav Ahmet Ertunç, 5 zarokên wî girtî ne û her yek li girtîgehek cuda dijî. Gunay diyar kir ku ji zarokên Ahmet Ertunç Firat Ertunç li Girtîgeha Ewlehiya Bilind a Amedê, Murat û Recep Ertunç li Girtîgeha Tîpa T a Tekîrdag, Ferhat û Ali Ertunç jî li Girtîgeha Ewlehiya Bilind a Wane tên girtin.  Gunay destnîşan kir ku li gorî Saziya Venêrtina Cemaweriyê ku xwe dispêre Biryara Dadgeha Mafên Mirovan a Ewropayê xwestiye girtî sewqî girtîgehên ku malbatên wan lê dijî. Ger ku girtîgehên nêzî malbatê dijî bin jî divê sewqî girtîgehên herî nêzîk bên kirin.

Gunay, bi boneya wezîr bibersivîne ev pirs pirsîn:

* Heta niha dayik û bav  ji bo zarokên wan bên neqilkirin çend daxwazname ji we û serdozgeriyê re şandine?  Çi bersîv hatiye dayîn?

* Bav Ahmet Ertunç diyar dike ku ji bo zarokên wî neqlî girtîgeha Colemêrgê an jî nêzî Colemêrgê bê kirin serlêdanên wî bê bersîv mane. Daxwaznameyên bav Ahmet Ertunç bi kijan sedemê nehatine bersîvandin?

* Ji bo 5 bira sewqi Girtîgeha Colemêrgê bên kirin hewldan çiye?

* Çi xebatên Saziya Venêrtina Cemaweriyê ji bo vê yekê heye? COLEMÊRG

 

Dikarî Biecibînî