Serokê ÎHD’a Dêrsimê Solmaz hat binçavkirin

Li Dêrsimê piştî binçavkirina rêveberên HDP’ê, Serokê ÎHD’a Dêrsimê Gurbuz Solmaz jî hat binçavkirin

Li Dêrsimê operasyona qirkirina siyasî ya  li dijî rêveberên HDP’ê hatiyw destpêkirin didome. Di serdegirtina duh a malan de Hevserokên  HDP’a Dêrsimê Hidir Çîçek û Ozlem Toprak, rêveberên HDP’ê Yunus Aras, Cemîle Ataş, Erdal Ekîcî, endama meclisa şaredariyê Nurgul Yalay û Hevseroka HDP’a Dêrsimê ya berê Ozge Hoşoglu hatibûn binçavkirin. Îro jî Serokê Komeleya Mafên Mirova (ÎHD) ya Dêrsimê Gurbuz Solmaz hat binçavkirin. Solmaz dema bi wesayîta xwe bi rê de diçû polîsan ew sekinand û binçavkirin birin miduriyeta polîsan.

Li aliyê din îro li Miduriyeta Polîsan a Dersimê dest bi îfade girtina rêveberên HDP’ê hat kirin. Li gorî agahiyên hatin bidestxistin; di dema îfadeyan de pirsên têkildarî çalakiyên greva birçîbûnê ya li dijî tecrîdkirina Rêberê Gelê Kurd Abdullah Ocalan hatine lidarxistin, çalakiya rûniştinê ya li dijî tayînkirina qeyûman, xebatên hilbijartinê û xebatên rêxistina bajar ji HDP’iyan hatine pirsîn. DÊRSIM

 

Dikarî Biecibînî