Nûnerên êzidiyan li Bexdayê hevdîtin kirin

Şandeya ku ji  rûspî û serokeşîrên civaka êzidî pêk dihat, ji duh ve li Bexda û Necefê bi parlamenterên Iraqê re hevdîtin kirin

Bi armanca çareserkirina pirgirêkên herêmê, şandeyeke ji rûspî û serokeşîrên civaka êzidî ev çend rojin bi pêşengiya Meclisa Xweseriya Demokratîk a Şengalê li Bexda û Necefê hevdîtinan dike.

Di vê çarçoveyê de şandeya êzidî duh li Bexdayê bi parlamenter û serokê Tevgera Aşuriya Demokratîk Yanadim Kena û parlamenter Ehmed Medlol Al Cerba re hevdîtin kir. Li gorî agahiyan, di hevdîtinê de rewşa Iraq û bi taybet jî rewşa Şengalê hate gotubêjkirin. Hat gotin ku di hevdîtinê de parlamenteran soz da şandeyê ku dê piştgiriyê bidin pêşniyarên wan.

Hat zanîn ku şandeyê ji ber rewşa ne bi ewle ya li Bexdayê, navber da hevdîtinên xwe. BEXDA

Dikarî Biecibînî