Li Cizîrê 21 ciwan hatin binçavkirin

21 ciwanên ji bo Mîhrîcana Çand û Hunerê ya Ciwanan a Mem û Zînê hatin Cizîrê, li otogara navçeyê hatin binçavkirin. Polîs hewl didin ku mîhrîcanê asteng bikin

Şaredariya navçeya Cizîr a Şirnexê ya di bin rêveberiya Partiya Demokratîk a Gelan (HDP) de, dê îro û sibê Mîhrîcana Çand û Hunerê ya Ciwanan a Mem û Zînê lidar bixe. Hat diyar kirin ku 21 ciwanên ji Herêma Egeyê ku ji bo tev li mîhrîcanê hatin Cizîrê, li otogara bajêr hatin binçavkirin. Her wiha 20 ciwanên din jî di ketina bajêr de tên rawestandin.

Li gorî agahiyan, ciwanên hatin binçavkirin birin Şaxa TEM’ê ya girêdayî Midûriyeta Polîsan a Cizîrê. Li aliyê din polîsan derdora Mala Dengbêjan ku dê starta mîhrîcanê li bê dayîn girt. Polîsan ji girseyê re got ku şahiya ciwanan hatiye qedexekirin. Polîsan ji bo qedexeyê jî biryara walîtiyê ya qedexeya 15 rojan weke hincet nîşan dan.

Hevdîtinên di navbera polîs û rêveberiyên şaredariyê de berdewam dikin. Li bendêye ku hevdîtin bi encam bibe. Ciwan li Mala Dengbêjan govendê digerînin. ŞIRNEX

Dikarî Biecibînî